從心開始

深圳地鐵預迷暈黨

hh4169 — Thu, 25 Sep 2008 13:05:28 +0800

我睇電視就睇得多,今次比我預到佢真係當黑,好彩就係及時知道無受害,但大家要小心,做好人都要睇時候,以下係我今次發生既經過請大家留意!!

怒火

hh4169 — Sat, 30 Aug 2008 02:22:03 +0800

真係令我好失望,吃力不討好,原來係依間公司係唔好諗咁多野,會比上司話偷懶.係到工作最好就係咩都唔理,同其他同事一齊食蛇就最好.諗起都怒.

今日本來都無咩事既,到就收工既時間本應我就十一點四十五分開車收工,因為落箱問題攪左好耐,重要比我上司話我偷懶,咁都算,之後我去睇下我需唔需要開車收工,我就走去問上司啦!點知佢同我講你睇唔到電腦有無你名架咩.我就走去睇下啦,我見到無就再走佢問佢,點知道佢好唔客氣咁同我講無你就走囉.之後再同我講一句話我鬼叫你攪咁耐呀.當我一聽到既時候火已經起埋,之後就同佢講,你試下自己去推下諗下.我就走左.

(閱讀全文)

決定九月二十九日旅行

hh4169 — Wed, 27 Aug 2008 03:14:31 +0800

我已經決定左九月二十九日去旅行.相信會去五日,地點應該係日本,但就未定日本既邊一度,今次咁急既原因係有兩個難得一次會肯去旅行既朋友話去,所以我就咩都唔理請定假一齊去放血,亦好難得其他朋友對今次旅程都好有興趣,以我估計今次可能會有六人以上出席.現在我真係好期待會去邊玩.

家長日

hh4169 — Thu, 14 Aug 2008 03:10:30 +0800

昨日放假去左karen到,本來我諗住同佢媽咪食飯,點知道係同佢全家人一齊食,我真係諗唔到佢屋企人係咁擁約出值,比著係我屋企人一定係無人會出現(除左我媽咪),今次去真係見哂佢所有家人,佢婆婆,父母,三個家姐連姐夫,同埋佢細佬都見哂,但我現在只係記得佢大家姐同佢細佬個名,其他都重未記得.食飯既時候婆婆同佢幾個姐夫就無去,食完飯就去左見佢婆婆同佢舅父舅母,因為咁橋佢三家姐生日,話book左去唱K,去到k房就見埋佢幾個姐夫.咁次去我都估唔到會見到咁多人.亦都見識到佢地真係好熱鬧.

8號風球

hh4169 — Thu, 07 Aug 2008 03:21:55 +0800

今日起8號風球諗住可以返耐D,點知道係重訓少左,明明返三點既我諗全掛左風球可以等佢落風先返工,點知道十二點就比我亞頭打電話來叫醒開工,重變左返一點添,但都好當OT,起初諗住返早左應該有得收返早架啦!但原來係唔當既,今日重要歐洲機遲到,成十一點二十分先落地,攪到二點半先可以收工.但做左咁耐今次都算最多OT既一日.

生日後記

hh4169 — Fri, 01 Aug 2008 03:28:07 +0800

過左生日本來諗住可以打好多野,點知道一返來網絡就出現在問題攪到上唔到網,結果係幾日無得上,要今晚先上到來打blog.

今年生日我就去左珠海同澳門玩左三日兩夜,今次都算幾特別因為我今次唔係坐船去珠海,而係係羅湖坐巴士去珠海車程要兩個半鐘,去到珠海都好夜了搵完酒店食埋晚飯就無四圍去,只係返酒店訓,等待明天過澳門去邊到玩.

(閱讀全文)

7月實係有D事發生

hh4169 — Sun, 06 Jul 2008 03:43:35 +0800

今日工作都好順利,係去到收工既時間又發生少少事了.事原臨收工我張部車駕開搵第二個位泊既時候,因為睇到有一個位又唔會左到人自己又方便,咁就泊入去啦!當時剛落完雨,我就好慢咁入落個位到,望到兩邊都夠位,但點到無諗到有個簷縫開左一半,當我臨到貨台前望到倒後電視有簷縫已經立刻停車,落車一看剛剛去有輕微接觸.結果我既上司睇左好耐,就叫我口供紙.唉......灰哂 . 睇來咁樣又無左勤工同應該又要停牌了.

又要煩惱了.好大可能要入返去地獄. 又唔見埋兩千大元...

(閱讀全文)

同貓貓沖涼+飯局

hh4169 — Thu, 03 Jul 2008 04:06:44 +0800

今日放假下午先起身,諗起好耐無同隻貓沖涼,之後靜靜雞捉佢去沖涼,點知佢好似有預知能力咁,一見我就走左去,結果要係廚房先捉到佢,重要比佢既爪拮左一下.我屋企隻貓係怪怪地既樣樣都驚,食野又係好煩只係吃乾糧,正宗豬肉鬆同罐頭沙律醬既吞拿魚,其他野係唔食架.同識得投數D野好唔好食,因為唔好食佢又係唔會食.比佢激死.

(閱讀全文)

歡樂谷

hh4169 — Tue, 24 Jun 2008 21:33:06 +0800

星期日去左深圳歡樂谷! 但天氣實在太熱攪到都無心情玩太多機動遊戲,只係玩左兩個過山車,睇左一個劇場同行左鬼屋.但整個樂園比我感覺都係幾好,大人細路都o岩玩,如果去行左世界之窗,之後再入去玩咁樣會好好多.今次去都無帶相機只係走既時候用手機影左幾張相.

P.S 如果想去好方便只要係深圳坐地鐵去到世界之窗站出酒店小路原路入.就會去到.

無耐

hh4169 — Sat, 14 Jun 2008 01:39:55 +0800

今日諗住自己好醒帶定遮返工,點知放左係一部大車到,收工部車未返來,攪到要淋雨行去坐巴士,好彩行到過去有車第一時間上車,上車就不等諗,落車千期唔好落大雨.結果落車既時候條路好似成條瀑布咁.慘!,行去7-11 諗住買把遮,行到去睇係賣哂,只好無奈坐的士回家,因為路程話長又唔係長,話短呢行路要十分鐘,上車時都同司機講聲唔好意思,返到屋企同一個水人無份別.重比細佬笑,低死唔帶遮.

無去長洲,但去左海防博物館!

hh4169 — Mon, 09 Jun 2008 04:20:49 +0800

因為依幾日都落大雨,本來諗住今日去長洲行下,我驚海面會太大浪,所以決定轉左地方,結果去左我一生人第一次去既地方(海防博物館).聽就聽得多但我從來未去過,今次同karen 兩個去.諗住karen實帶相機架啦!點知佢係無帶所以係一張相都無影過,

我第一次去到海防博物館感覺係失望左少少.(但十蚊入場都可以接受),因為幾日既大雨,有幾個地方因山泥傾斜關閉左.令我覺得有興趣既係睇短片,同小朋友既畫,而失望既原因可能係其他既展品我係其他地方都見過.

但對學生同小朋友來說係可以吸收到中國歷史,因為講緊既都係鴉片戰爭,同香港淪陷資料.亦有地方比小朋友晝畫,同玩小遊戲.

(閱讀全文)

蜂巢

hh4169 — Fri, 30 May 2008 00:13:52 +0800

今日返工勁恐怖，但又好好彩．點解咁講因為公司大車泊低之後係唔會關尾門．我今日返工令車埋位上箱，都睇唔到有蜂巢，上哂貨渣出車位停埋一邊諗住關左門先開車出閘位，點知關左邊門既時候，發現四周都有蜜蜂周圍飛，咁我就好奇望下係邊飛出來啦!點知道原來個蜂巢就係係部車車尾既右上角，一睇我毛骨悚然,第一時間行開,之後通知在場既話事人，佢當初重以為我講笑，佢一行埋去睇左一眼就走到老遠了．令一個同事就諗到一個方法就係開行部車過D路肩位等部車跳起,等個蜂巢脫落．結果真係一行過既時候一個排球咁大既物體脫左落車，成百隻蜜蜂四圍飛，我地就幾個人轉頭走，個場面係幾搞鬼．之後睇住D蜜蜂追住部車車尾,睇佢地好似好想上返車咁，過左幾分鐘既追逐，蜜蜂少左好多了，太約重有三，四十隻係車，但時間已經太趕了，我無辦法之後為有關左門困住D蜜蜂離開機場返ATL.....

(閱讀全文)

舊童軍聚會

hh4169 — Tue, 20 May 2008 23:42:42 +0800

星期日約左7個以前玩童軍既朋友聚餐,個個都十幾年無見,個個變哂樣.今次有機會見返到係多得有facebook 依樣野.係到搵到失散左好多年既朋友,今次出去見到佢地個個變化好大,結果行街見到都係唔會認得.最大變化係一個師弟就已經結婚同生埋個女,個人又肥左好多,而最無變既一個就係師妹,佢同以前無份別,睇落去重係似一個學生.而肥狗就型仔左好多.希望下次會重多人出席.

工作方面

hh4169 — Fri, 25 Apr 2008 03:07:13 +0800

(閱讀全文)

幾個月前我做左一件幾大膽既事(亦可以用如蠢來代替)(下)

hh4169 — Thu, 24 Apr 2008 11:57:10 +0800

今日一早起身收到佢既電話,我終於可以放下心頭大石了.一個月又一個月既日子真係好擔心,亦証明我無信錯人,只係遲左還比我.現在開心死~~~~~